There’s cauld kail in Aberdeen,
And ca’ stocks in Stra’bogie;
Gin I hae but a bony lass,
Ye’re welome to your Cogie.
And ye may sit up a’ the night;
And drink till it be braid daylight;
Gie me a lass baith clean and tight,
To dance the Reel of Bogie.
In Cotillons the French excel;
John Bull, in Countra dances;
The Spaniards dance Fandangos well,
Mynheer an All mande prances:
In foursome Reels the Scots delight,
The Threesome maist dance wondrous light;
But Twasomes ding a’ out o’ sight,
Danc’d to the Reel of Bogie.
Come, lads, and view your Partners well,
Wale each a blythsome Rogie;
I’ll tak’ this lassie to mysel,
She seems sae keen and vogie:
Now, Piper lad, bang up the Spring;
The Countra fashion is the thing,
To prie their mou’s e’re we begin
To dance the Reel of Bogie.
Now ilka lad has got a lass,
Save yon auld doited Fogie,
And ta’en a fling upo’ the grass,
As they do in Stra’bogie.
But a’ the lasses look sae fain,
We canna think oursel’s to bain,
For they maun hae their Come-again,
To dance the Reel of Bogie.
Now a’ the lads hae done their best,
Like true men o’ Stra’bogie;
We’ll stop a while and tak a rest,
And tipple out a Cogie:
Come now, my lads, and tak yor glass,
And try ilk other to surpass,
In wishing health to every lass,
To dance the Reel of Bogie.
Violinist Johnny Gandelsman commissioned work from a wide variety of composers for this complex and diverse portrait of the U.S. Bandcamp New & Notable Jul 5, 2022
Through churning dynamics and elongated, arc-like melodies, clarinetist Joanna Nicholson casts a hypnotizing modern classical spell. Bandcamp New & Notable Mar 2, 2022
Somber, beautiful string meditations abound on the debut album by Oxford cellist and composer Lou Lyne and her ensemble. Bandcamp New & Notable Mar 30, 2024