When the Sheep are in the Fauld, and the Ky at hame,
And a' the warl’d to Sleep are gane,
The Waes o' my heart fa' in Show’rs frae my ee
When my Gudeman lyes sound by me.
Young Jamie lo'ed me well and he sought me for his bride;
But saving a crown he had naething beside,
To make that crown a pound my Jamie gade to Sea;
And the crown and the pound were baith for me.
He had nae been awa a week but only twa,
When my mother she fell sick and the Cow was stown awa,
My father brake his arm and my Jamie at the sea,
And Auld Robin Gray came a courting me.
My father couldna work and my mother couldna spin;
I toil'd day and night but their bread I couldna win;
Auld Rob maintain'd them baith and wi' tears in his ee
Said Jenny for their saks O marry me.
My heart it said nay I look'd for Jamie back,
But the wind it blew high and the Ship it was a wrack,
The Ship it was a wrack why didna Jenny dee?
Or why do I live to say waes me.
Auld Robin argued sair tho’ my mother didna speak,
She look'd in my face till my heart was like to break,
So they gied him my hand tho' my heart was in the sea,
And Auld Robin Gray is Gudeman to me.
I hadna been a wife a week but only four,
When sitting sae mournfuly at the door,
I Saw my Jamies wraith for I couldna think it he,
Till he said I'm come back for to marry thee.
O sair did we greet, and mickle did we say,
We took but ae kiss and we tore ourselves away,
I wish that I were dead but I'm no like to dee,
And why do I live to say waes me.
I gang like a Ghaist, and I carenae to spin,
I darena think on Jamie for that wad be a sin,
But I'll do my best a Gudewife to be,
For Auld Robin Gray is kind to me.
Violinist Johnny Gandelsman commissioned work from a wide variety of composers for this complex and diverse portrait of the U.S. Bandcamp New & Notable Jul 5, 2022
Through churning dynamics and elongated, arc-like melodies, clarinetist Joanna Nicholson casts a hypnotizing modern classical spell. Bandcamp New & Notable Mar 2, 2022
Somber, beautiful string meditations abound on the debut album by Oxford cellist and composer Lou Lyne and her ensemble. Bandcamp New & Notable Mar 30, 2024